БЕОҐРАД – Годзина за планету Жем будзе означена зоз виключованьом шветла на 60 минути, на соботу 22. марца на 20:30 годзин, зоз цильом защити животного стредку наявела Шветова фондация за природу (World Wide Fund for Nature (WWF)).
WWF єдна з найвекших нєзависних орґанизацийох, занїма ше зоз защиту природи и ма активну ґлобалну мрежу у вецей як 100 державох.
Мисия орґанизациї же би застановела знїщованє животного стредку и же би витворела будучносц у хторей людзе жию у складзе зоз природу, зоз очуваньом шветовей биолоґийней розличносци, отримуюцого хаснованя природних ресурсох, зменшаня заґадзеня и велького трошеня.
Годзина за нашу планету (Earth Hour) почала 2007. року у Сиднею як мала, локална гражданска инициятива як протест процив климатских пременкох и поволанка на акцию.
На єдну годзину остатнєй соботи у марцу, людзе ширцом швета виключую шветла и так указую символичну потримовку нашей планети.