РУСКИ КЕРЕСТУР – После орґанизованей гуманитарней акциї за помоц Петрови Зеякови, хлапцови зоз Сивцу, за чийо лїченє Керестурци назберали 97.970 динари и тих дньох су уплацени на рахунок його фамелиї, пондзелок, у Руским Керестуре, порушана нова гуманитарна акция, тераз за фамелию Сеґеди хторим нєдавно у огню страдало обисце.
Здогаднїме, Сеґедийовим пенєжно мож помогнуц на шлїдуюци способи, у предавальнї будовательного материялу „Хелаˮ, дзе мож зохабиц добродзечни прилог за купованє потребного материялу за оправянє обисца, а шкатули за добродзечни прилог поставени и у – предавальнї „Тренд биˮ, кафичу „Мала оазаˮ, ЯКП „Рускомˮ, предавальнї „Виславски делови Мˮ, „Транспортни центер Ковачˮ и у задруґи „Керестурска паприґаˮ.
Прилоги мож дац и у церкви, на парохиї и у просторийох Каритасу стреду вечар на 20 годзин, штварток од 14 до 16 годзин и пияток на 20 годзин.