Ище єдна побида за Дюрдьовчанох

автор Л. Вереш
326 Опатрене

ДЮРДЬОВ – У 8. колу Подручней фодбалскей лиґи Нови Сад, хторе одбавене 1. октобра у Дюрдьове, фодбалере ФК Бачка 1923 зоз Дюрдьова победзели у стретнуцу зоз фодбалерами Пролетера 1951 з Нового Саду, зоз резултатом 3:0.

Стретнуце Дюрдьовчанє почали сиґурнєйше и шмелше як по тераз. Уж у перших минутох стретнуца мали даскельо добри нагоди за ґол. Максимално ше закладали за кажду лабду, та перши ґол на стретнуцу бул за Бачку у 18. минути.

У другим полчаше фодбалере Бачки бавели ище лєпше и удало им ше посцигнуц ище два ґоли, у 66. минути и у 80. минути. Теди ше уз могол нагаднуц хто будзе побиднїк на тим стретнуцу, алє чекало ше конєц же би ше Дюрдьовчанє могли радовац ище єдней своєй побиди. Госци ше намагали посцигнуц голєм єден ґол, алє на тим стретнуцу нє мали щесца.

После того кола Бачка на єденастим месце на таблїчки, зоз дзевец бодами. У шлїдуюцим колу дюрдьовски фодбалере ше стретню зоз фодбалерами Фрушкогорского Партизана у Буковцу.

ПОВЯЗАНИ ТЕКСТИ