НОВИ САД – На Радио програми по руски на нєдзелю, 26. юлия, на 12:30 годзин будзе емисия Културна панорама.
У найновшей емисиї Културна панорама тема будзе танєц и красни чувства котри тота файта уметносци будзи у людзох. Учуєце о фолклорних танцох и танцованя у колективу, а побешедуєме и о танґу, як танцу за пари и о фламенку як танцу за солистох.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.