РУСКИ КЕРЕСТУР/ЗРЕНЯНИН – Хаснователє Дому школярох Школи „Петро Кузмяк” у Руским Керестуре нєшка участвую на Змаганю домох Войводини у културней творчосци, популарно воланей Домияди, хтора того року у Зренянину.
Два школярки ше представя зоз шпиваньом поп и етно-музики, єдна будзе писац литературни состав, а шейсц пари школярох на Домияди участвую з рускима танцами, односно з хореоґрафию „Карички, чапаши и чардаши”.
Хореоґрафию, хтору поставела хореоґрафка у керестурским Доме култури Ґабриєла Саянкович, интернатянє рихтали коло пейц мешаци у Школи и у Доме култури. Иницияторка того же би школяре сербскей, чарногорскей и мадярскей националносци научели нашо танци и шпиванки була воспитачка у Доме и наставнїца Саня Тиркайла, котра их и пририхтала.