РУСКИ КЕРЕСТУР/БЕОҐРАД – Каритас Сербиї почал зберац помоц за гражданох Словениї, котрих початком авґуста залапели вилїви. У вецей як трецини держави велї хижи знїщени, инфраструктура барз очкодована, а материялну чкоду нє мож анї зраховац.
Каритас Сербиї послал предкладанє пейцом каритасом: Каритасу Беоґрадского надвладичества, Каритасу Епархиї св. оца Миколая, Каритасу за Срим, Каритасу Суботици и Владическому Каритасу Зренянин же назберани средства послали Каритасу Словениї.
Керестурски парох о. Владислав Варґа визначел же є свидоми же и нашо людзе мали чкоди од бурї и каменцу и же, заш лєм, нє треба забуц же у Словениї и нашо людзе, и наш священїк о. Михайло Гарди котри зазберує наших вирних и помага им у духовним живоце.
Кед же дахто жада помогнуц, може пенєжи однєсц до своєй парохиї, а може то зробиц и на способ же средства уплаци на рахунок за донациї у динарох (РСД): 220-112163-96
Приматель уплати: Caritas Srbije, Vojvode Stepe 78/5, Beograd
Причина уплати: Donacije za Sloveniju