РУСКИ КЕРЕСТУР – У велькей виронаучней сали од вовторку, 6. януара по пияток 9. януар бул традицийни Каритасов жимски куцик.
Каристас зоз Куского Керестура уж скоро 20 роки орґанизує жимски куцик за дзеци, вше то остатнї тидзень жимского розпусту, од пондзелку до пиятку.
Того року волонтерки Валентина Гарди, Мая и Кристина Сопка, Сенка Катрина, Павлина Римар, Корнелия Будински кажди вечар порихали рижнородни нєсподзиваня и бависка дзецом на куцику, хтори зоз нєсцерпеньом чекали вечар же би пришли на Куцик. Старши волонтерки ше остарали же би и закуска кажди дзень була рижнородна, та упекли пицу, напражели палачинки и бухти, злїпели вощини.
Кажди вечар на початку була виронаука хтору тримал парох о. Владислав Варґа, починала зоз молитву Оченаш, закончовала ше зоз Богородице, а були представени найвекши швета, прецо ше мирує, кресци, як ше здравка на обични днї и на швета.
Того року пре жимну хвилю и ґрипу було кус менєй дзеци як прешлих рокох, коло 50 кажди вечар, а по други роки було и по 80 дзеци през вечар.