ВУКОВАР (ГОРВАТСКА) – Шпивацка ґрупа Хору Русиния зоз Гуменого зоз Словацкей, пияток 13. децембра на 19 годзин, отримала концерт у Родней хижи Лавослава Ружички.
Концерт почал зоз традицийним способом колядованя Русинох у Словацкей, а потим предлужели зоз народнима русинскима шпиванками. Як дарунок домашнїм, Хор Русиния, у чиїм составе 18 хлопи а провадзи их стилизовани фолклорни оркестер, порихтал шпиванку „Divan je kićeni Srijem”, а вєдно з нїма зашпивала и публика. Нащивителє нє сановали свойо дланї, та наградзели шпивачох з моцним аплаузом.
Програму водзела и зоз историю и роботу хора нащивительох упознала Вера Зелинац.
Вуковарскей публики Хор Русиния ше представел зоз цаловечаршим, дзеведзешат минутовим концертом.
Концерт орґанизовал Союз Русинох Републики Горватскей, а под покровительством Совиту за национални меншини Републики Горватскей.
