РУСКИ КЕРЕСТУР – Приявйованє на два конкурси хтори розписал Дом култури Руски Керестур – за нови шпиванки за дзеци за „Червене пупчеˮ и нови шпиванки у забавним духу за „Червену ружу 2025” предлуженe.
Обидва конкурси отворени по 15. марец 2025. рок, а конкуровац можу шицки заинтересовани особи зоз жеми и иножемства. Єдна особа може буц автор, лєбо коавтор найвецей двох шпиванкох.
Єдно з условийох и же шпиванки хтори ше посила на конкурси нє шму буц предходно виводзени.
Прияву на конкурс за нови шпиванки за дзеци за „Червене пупчеˮ и нови шпиванки у забавним духу за „Червену ружу 2025” посила ше по пошти, або особнє на адресу: Дом култури Руски Керестур, Русинска 75, 25233 Руски Керестур, за Фестивал рускей култури Червена ружа.
Лєбо на мейл: dk.kerestur@gmail.com
Цали тексти и условия конкурсох мож опатраиц на сайту Дома култури Руски Керестур.
