РУСКИ КЕРЕСТУР – Кристина Рамач, школярка II класи Основней школи „Петро Кузмяк” достала I награду на подобовим конкурсу на тему „Символи велькей ноци” котру розписал Покраїнски секретарият за образованє, управу и национални меншини – национални заєднїци.
Конкурс розписани у сотруднїцтве зоз Форумом за едукацию, сотруднїцтво, афирмацию и потримовку гражданскому дружтву у рамикох секретариятового подпроєкту „Мултикултурализем на клик” односно проєкту „Афирмация мултикултурализму и толеранциї у Войводини”.
Награди уручени на шветочносци хтора 30. мая отримана у Покраїнскей Влади, а сход привитала заменїца секретара Сладяна Бурсач.
Наградзена робота Кристини Рамач похвалєна и зоз точносцу, педантносцу, и рижнородносцу материялох котри похасновала. За награду попри дипломи достала и мобилни телефон, а наградзени перши три найлєпши роботи.
Кристину водзела учителька Веруна Медєши, а зоз керестурскей Школи на конкурс послали и други школяре нїзших класох основней школи.
