КОЦУР – Шаховски клуб „Омладинєц” зоз Коцура всоботу, 30. новембра, у ресторану „Дейо” у Коцуре орґанизовал традицийни 29. Мемориялни турнир у шаху.
Як и предходних рокох, и тот турнир бул пошвецени покойним бавячом и предсидательом коцуркого Шаховского клубу. Того року Мемориялни турнир у шаху пошвецени Споменкови Павичевичови и Янкови Уйфалушови.
На турниру участвовали 20 бавяче зоз Нового Саду, Бачкого Доброго Поля, Змаєва, Вербасу, Кули и Коцура. Перше место освоєл Небойша Роґанович зоз Вербасу котри бави за зомборски Шаховски клуб, а освоєл 6 поени. Друге место завжал Карло Бала зоз коцурского Шаховского клубу котри освоєл 5,5 поени, а треци бул Владимир Лазор зоз Кули, тиж шахиста коцурского Шаховского клубу, зоз освоєнима 5 поенами.
По шветочним отвераню, а пред початком Мемориялного турнира, представена и кнїжка „Путованє през шаховске кральовство” Владимира Лазора у виданю Рускей матки. Окрем автора кнїжки, котри присутним приблїжел свойо дїло, о кнїжки бешедовал и предсидатель Рускей матки проф. др Михайло Фейса.
Спонзоре тогорочного Мемориялного турниру у шаху Месна заєднїца Коцур, фамелия Павичевич, Месара и клальня „Три-С”, Ловарске дружтво „Сокол” Коцур, як и фамелия Татич котри власнїки ресторана „Дейо”.
