РУСКИ КЕРЕСТУР – Зоз Месней заєднїци Руски Керестур поволую шицких жительох Керестура хтори у своєй власносци маю нєлеґализовани стамбени або помоцни обєкти, же би по вигодней цени од 12.000 динари порушали поступок леґализациї.
У вязи зоз тим, мож ше явиц до просторийох Месней заєднїци при Миронови Рамачови або у Месней канцелариї при матичарки Ясмини Чапко кажди роботни дзень – у Месней заєднїци од 8 по 14 годзин и пополадню од 16 по 18 годзин, док при матичарки од 8 по 14 годзин.
Од докуметнох потребне вжац особну карту и основну документацию хтору власнїк ма о обєкту, а у Месней заєднїци або у просториї при матичарки достаню шицки додатни информациї о дальших крочайох того поступку.
Порушованє поступку тирва по марец 2026. року, найвироянтйєше будзе и предлужене, та зоз Месней заєднїци поручую же часу єст, же за початок людзе ше можу присц лєм поинформовац.
Приявйованє важни крочай ґу ришованю маєтно-правних одношеньох и оможлївює порядне реґулованє документациї у складзе зоз важацима предписанями.
Подробнєйши информациї мож достац и на сайту https://svojnasvome.gov.rs/
