НОВИ САД – На Радио програми по руски на нєдзелю, 1. фебруара, на 12:30 годзин будзе емисия Културна панорама.
У найновшей емисиї Културна панорама годно послухац о пририхтованьох за наиходзаци 36. Фестивал рускей шпиванки Ружова заградка.
У емисиї будзе емитовани интервю зоз радийней архиви у рамикох емисиї Портрет з 2016. року, зоз писательку, уметнїцу и наставнїцу Серафину Макаї зоз Коцура , котра ше упокоєла початком януара.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.