НОВИ САД – На 15. Манифестациї Зоз шпиванку зме блїзши, всоботу, 27. децембра у Културним центре Нового Саду – Трибина младих, участвовали фолклорни состав ветеранох Руского културного центра (РКЦ) и Катарина Медєши.
Ветеранє РКЦ одтанцовали танєц Сиртаки, хореоґрафа Миломира Шайтоша, руководителька Марияна Мункачи Сивч. Катарина Медєши одшпивала коляду Спи Исусе, спи и Нашей учительки, a на клавиру ю провадзела Весна Медєши.
На Манифестациї наступели и Женска ґрупа шпивачох Ґужаляш зоз Центра народней уметносци и общого образованя Мадярох у Войводини, Шпивацка ветеранска ґрупа КУД Светозар Маркович з Нового Саду и Мишовити хор Дружтва Словенцох Планика зоз Зренянину.
Манифестацию орґанизовали Городска управа за културу Города Нового Саду и НВО Трандафили.
