4. СЕПТЕМБЕР – На нєшкайши дзень народзени композитор и орґуляш Й. А. Брукнер.
1768 – Народзел ше писатель и дипломат Франсоа Рене де Шатобриян (Сен Мало, Французка, 4. септембер 1768 – Париз, 4. юлий 1848), перши романтичар у французкей литератури.
1781 – Шпански населєнци основали Город нашей панї кралїци ангелох, нєшкайши Лос Андєлес.
1824 – Народзел ше композитор и орґуляш Йозеф Антон Брукнер (Ансфелден, Австрия, 4. септембер 1824 – Беч, 11. октобер 1896), грал под уплївом Лудвиґа ван Бетовена, Рихарда Ваґнера и Франца Петера Шуберта. Компоновал дзевец симфониї, осем служби и вецей кантати, познати є у обласци симфонийскей, камерней и духовней музики.
1929 – Нємецки дирижабл Ґроф Цепелин закончел путованє коло швета. Лєценє тирвало 9 днї, 20 годзини и 13 минути, а на воздушней ладї були 40 члени людства и 14 путнїки.
1972 – На Олимпийских бавискох у Минхену америцки плївач Марк Шпиц освоєл седму медалю и з тим поставел рекорд у освоєних медальох на єдней Олимпияди.