6. ОКТОБЕР – На нєшкайши дзень Шветови дзень особох зоз церебралну парализу.
1846 – Народзел ше америцки инжинєр Джордж Вестинґхаус (Скохери, ЗАД, 6. октобер 1846 – Нуйорк, ЗАД, 12. марец 1914), пренаходзач воздушней гамовачки за локомотиви и трамваї. Розвил и системи желєзнїцких сиґналох и направел турбини за гидроелектрарню на Нияґарових водопадох, за хтору проєкт направел Никола Тесла.
1903. року народзени ирски физичар Ернест Томас Синтон Волтон (Ебисайд, 6. октобер 1903 – 25. юний 1995), єден з пионирох нуклеарней физики, хтори подзелєл Нобелову награду за физику 1951. року зоз Джоном Даґласом Кокрофтом.
1927 – Почала ера звучного филма кед премиєрно у Нюйорку приказани филм Шпивач джеза, з ґлумцом Алом Джонсоном, и кед ше першираз чул глас ґлумца.
Нєшка Шветови дзень особох зоз церебралну парализу.
Першого пондзелку у октобре означує ше Шветови дзень населєньох (World Habitat Day).
