КУЛА – Дзешати Днї бундави буду отримани нєшка, 12. октобра у вельким парку у Кули, у чаше медзи 9 и 17 годзин.
Як наявюю орґанизаторе, на штандох буду виложени рижни продукти з бундави, а нащивителє годни уживац и у єй богатих смакох у рижних єдлох.
Програма почнє од 9 годзин зоз наступом на ґитари кантаутора Ивана Лещешена, а буду орґанизовани и еко роботнї. У рамикох програми будзе и мала фарма зоз рижнима домашнїма животинями.
Урядове отверанє манифестациї будзе нa 10 годзин, кеди ше отрима и карневал, а потим, на 12 годзин, наступи Шкослки хор ОШ „Петефи бриґада” и Школа за основне музичне образованє зоз Кули.
На 15 годзин наступи тамбурови состав „Ла Банда”.