РУСКИ КЕРЕСТУР – И того року предлужує ше зоз роботну акцию ровнаня дильовох на керестурским хотаре, хтора будзе отримана на соботу 9. марца, та ше з тей нагоди поволує шицких польопривреднїкох помогнуц зоз своїма тракторами и механїзацию.
Польопривреднїки хтори дзечни помогнуц треба же би ше явели Звонкови Рацови, Мижови Мученскийови до Землєдїлскей задруґи „Аґроплус” або Душици Оросовей до Землєдїлскей задруґи „Керестурска паприґа”, а явиц ше треба по ютре, 8. марца, же би ше спрам числа тракторох обезпечело анґажованє баґерох.
Сход заказани на соботу на 9 годзин при керестурским мосце, одкадз ше почнє зоз акцию одвоженя глїни.