РУСКИ КЕРЕСТУР – Традицийни Русинов бал будзе отримани на соботу 20. януара, у орґанизациї Фодбалского клубу „Русин”, а уходнїци коштаю 2.200 динари.
Бал будзе отримани у Ресторану „Бостон” на 19 годзин, за музику будзе задлужени „Еуро бенд”, а предвидзени и награди, богата томбола и рижни интересантни змагательни бависка.
За шицки информациї мож наволац Желька, Ивана або Дениса на числа – 065/51-202-38, 065/511-9779 або 066/41-61-67.
После Русинового балу, сезону балованя предлужа майстрове чий Майсторски бал будзе отримани на соботу, 27. януара у Ресторану „Бостон”, уходнїца кошта 2.500 динари, а госцох будзе забавяц бенд „Коцурски бетяре”. Информациї о резервациї уходнїцох мож достац на число 064/272-50-51.
Потим, 3. фебруара будзе орґанизовани „Наш бал”, а такой о тидзень, 10. фебруара свой бал отримаю и паприґаре.
За добру атмосферу на „Нашим балу” будзе задлужени „Пицкикато бенд”, орґанизаторе рихтаю и богату томболу, а подробнєйши информациї и резервациї уходнїцох хтори коштаю 2.200 динари за „Наш бал” мож достац на числа телефонох 069/355-48-99 (Кристиян) и 065/438-26-71 (Златко).
На концу, сезону балованя завру паприґаре зоз своїм балом, хтори заказани за 10. фебруар, а присутних будзе забавяц „Еуро бенд”. Уходнїцу по цени од 2.500 динари мож резервовац на числа 065/8-704-176 лєбо 065/625-93-48.