ТЕКИЇ – По розпорядку за Вельки Текиї и Шнїгову Марию у Петроварадину, пияток, 4. авґуста на 15 годзин була нагода за св. споведз, а на 15:30 годзин наша грекокатолїцка Служба Божа, кед служел парох новосадски о. Юлиян Рац, а дзияковал Йовґен Надь.
У своєй казанї на руским, сербским и українским язику, о. Рац гварел же зме пришли до Текийох ґу Мацери Божей, хтора ше стара и модлї ласки за нас. Помага нам вжац терху и исц далєй, ґу спашеню. То права мац, чийо шерцо вше радосне, бо вона и мац Бога нашого Исуса Христа, надпомнул о. Юлиян.
По горучави, було менєй вирних як скорей, а як час преходзел, вше вецей людзох приходзело на шлїдуюци богослуженя на других язикох.
На швето Велька Мария, на Текийох 15. авґуста на 16:30 годзин нагода за св. споведз, а на 18 г. понтификална Служба Божа.