Нова побида Дюрдьовчаньох

автор Л. Вереш
145 Опатрене

ДЮРДЬОВ – У 10. колу Подручней фодбалскей лиґи Нови Сад, хторе одбавене 10. октобра у Дюрдьове, фодбалере ФК Бачка 1923 зоз Дюрдьова победзели у стретнуцу зоз фодбалерами Червеней гвизди з Нового Саду, зоз резултатом 2:1.

Дюрдьовчанє стретнуце почали вельо шмелше як госци. Уж у перших пейц минутох бависка мали два добри нагоди за ґол, алє процивнїцки ґолман бул схопнєйши и удало ше му одбранїц обидва ґоли. Пред конєц першого полчасу Новосадянє почали лєпше бависко. Перши ґол на стретнуцу посцигли госци у 54. минути. У 66. минути Дюрдьовчанє посцигли свой перши ґол, а нєодлуга, у 73. минути, и други ґол. Теди ше уз могло нагаднуц побиднїка на тим стретнуцу, алє ше чекало конєц же би ше Дюрдьовчанє могли радовац ище єдней побиди.

На бависко у 10. колу вельо уплївовала и хвия. Диждж падал цали час, а шлїзки терен лєм очежал фодбалером бависко.

После того кола Бачка на дзешатим месце на таблїчки зоз дванац бодами. У шлїдуюцим колу дюрдьовски фодбалере се стретню зоз фодбалерами Фодбалского клубу ,,Сусек”.

ПОВЯЗАНИ ТЕКСТИ