ВЕРБАС – Явне комуналне подприємство „Комуналац” на соботу 6. априла запровадзи акцию безплатного одношеня кабастого одпаду зоз обисцох у Вербаше.
Тота акция од 15. по 19. април будзе орґанизована и у валалох општини.
Кабасти одпад ЯКП „Комуналац” на пондзелок 15. априла збера и ноши у Савиним Селу, вовторок 16. априла у Равним Селу, стреду 17. априла у Змаєве, штварток 18. априла у Бачким Добрим Полю и пияток 19. априла у Коцуре.
Гражданє треба же би кабасти одпад винєсли на улїцу, кажде опрез свойого обисца, найпознєйше по 7 годзин рано. До того шмеца рахує ше стари мебель, автомобилски ґуми, тварда пластика, скло и подобне.
Зоз ЯКП „Комуналац” апелую на гражданох же би нє виношели будовательни одпад и гной од домашнїх животиньох.
