КУЛА – Шветови дзень добродзечних давательох креви, 14. юний, пияток означени и у кулскей општини у клубу „Синема” у Кули.
З тей нагоди Червени криж орґанизовал шветочносц за жени хтори крев дали дзешец раз або вецей, та зоз Руского Керестура на шветочносц були поволани Таня Колошняї, Любица Няради и Ана Надь.
Дзень ше означує з цильом же би ше указало подзековносц шицким добродзечним давательом креви, и пошвецени є подзвигованю свидомосци о ґлобалней потреби за сиґурну донацию креви.
