СУБОТИЦА – На Округлим столє о Очуваню нєматериялного културного нашлїдства меншинских заєднїцох у Републики Сербиї, нєшка, 11. октобра у Городскей библиотеки у Суботици (Цара Душана 2) будзе участвовац и директор Заводу за културу войводянских Руснацох Саша Сабадош.
Округли стол ше орґанизує у рамикох манифестациї 23. Днї горватскей кнїжки и слова, днї Балинта Вуйкова, пленарне викладанє будзе мац и реґионална координаторка за нєматериялне културне нашлїдство, висша кустоскиня, етнолоґиня у Музею Войводини у Новим Садзе др сц. Татяна Буґарски.
Тиж участвовац буду, окрем директора нашого Заводу и представнїки мадярского, румунского, горватского Заводу за културу у АПВ и директорка Музея войводянских Словацох.