СУБОТИЦА – На Округлим столє о Очуваню нєматериялного културного нашлїдства меншинских заєднїцох у Републики Сербиї, на пияток 11. октобра у Городскей библиотеки у Суботици (Цара Душана 2) будзе участвовац и директор Заводу за културу войводянских Руснацох Саша Сабадош.
Округли стол ше орґанизує у рамикох манифестациї 23. Днї горватскей кнїжки и слова, днї Балинта Вуйкова, пленарне викладанє будзе мац и реґионална координаторка за нєматериялне културне нашлїдство, висша кустоскиня, етнолоґиня у Музею Войводини у Новим Садзе др сц. Татяна Буґарски.
Окрем директора нашого Заводу участвовац буду и представнїки мадярского, румунского, горватского Заводу за културу и директорка Музея войводянских Словацох.