КУЛА/РУСКИ КЕРЕСТУР – Школяре Школи за основней музичне образованє (ШОМО) з Кули и єй видзелєних оддзелєньох, з нагоди Медзинародного дня женох – 8. марца, отримую традицийни концерти.
Так у Концертней сали Школи у Кули вчера 7. и 6. марца наступели школяре матичней школи, а нєшка 8. марца на 19 годзин, тиж у Концертней сали наступя найуспишнєйши школяре з видзелєних оддзелєньох ШОМО з Руского Керестура и Червинки.
Школяре керестурского оддзелєня буду мац и свой самостойни концерт котри будзе отримани на пондзелок на 19 годзин у Велькей сали Дому култури.