КУЛА – Представнїки Министерства рударства и енерґетики, Америцкей аґенциї за медзинародни розвой (УСАИД) и општини Кула отворели перши ,,Енерґетични инфо центер”, чий задаток будзе же би информовал гражданох о енерґетичней ефикасносци, о мирох котри мож превжац зоз цильом цо меншого росипованя енерґиї, як и о субвенцийох котри понука держава за посцигованє лєпшей енерґетичней ефикасносци.
Отверанє таких инфо центрох по Сербиї маю циль информовац гражданох о погодносцох и правох котри маю кед слово о енерґетичней ефикасносци.
Зоз помоцу проєкту ,,Лєпша енерґия”, у сотруднїцтве зоз Америцку амбасаду и УСАИД, отворени перши таки центер и гражданє ше годни информовац о тим цо можу поробиц у своїх домох и так зменшали трошенє електричней енерґиї, односно звекшали енерґетичну ефикасносци.
На отвераню ,,Енерґетичного инфо центру” присуствовали министерка рударства и енерґетики Дубравка Дєдович Ханданович, директорка мисиї УСАИД у Сербиї Брук Айшам и предсидатель општини Кула Дамян Милянич.