ЕПАРХИЯ СВ. НИКОЛАЯ – З нагоди Ювилейного року, орґанизує ше паломнїцтво до Риму, руша ше 18, а враца ше 25. мая. Цена путованя 800 евра. Приявиц ше треба цо скорей, найпознєйше до 1. марца, на парохию у своїм месце.
Орґанизатор путованя Михаел путнїцка аґенция, Павлинска драга, Вараждин.
1. дзень (18.5) – Ердут. Рушанє з Ердуту на 23:00 годзин.
2. дзень (19.5) – Асизи. Приход до Асизу пополадню, розпатранє Базилики и гроба святого Франциска, Базилики святей Клари, Мариї од Ангела. Змесценє до хотелу, вечера и ноцнїк.
3. дзень (20.5) – Рим. Фриштик и одход до Риму, Служба Божа у грекокатолїцкей церкви святей Софиї. После Служби роспатранє Рима, нашого Семинару, ЕУР, Базилика св. Павла поза мурами, Базилика и площа св. Йоана Латеранского, Святи Ґарадичи, Колосеум, лук Константина, церква св. Петра у оковох, Базилика Мариї Велькей, змесценє у хотелу, вечера о ноцнїк.
4. дзень (21.5) – Рим. Фриштик, одход до Ватикану и на площу св. Петра н авдиенция зоз Папом Франциском. Розпатранє Рима: твердиня св. Ангела, Пяца Навона, Пантеон, церква Мариї над Минерву, церква мена Исусового, Капитолий, Форум Романум,, Мамертинска цемнїца, церква св. Мариї „Нєбесни жертовнїк“, Пяца Венеция, Олтар Оцовщини, Траянов слуп, Фонтана ди Треви, Шпанска площа, Пяцца дел Пополо, Вечера и ноцнїк.
5. дзень (22.5) – Рим. Фриштик, одход до Ватикану, розпатранє площи, Базилики св. Петра, турня св. Петра и Ватикански музеї. Шлєбодни час за купованє сувенирох итд. Врацанє до готелу, вечера и ноцнїк.
6. дзень (23.5) – Рим – Бари – Сан Джованни Ротондо: фриштик, путованє до места Бари и Базилики св. Миколая, Служба Божа, шлєбодни час. Путованє до Сан Джованни Ротондо. Змесценє до хотелу, вечера и ноцнїк.
7. дзень (24.5) – Сан Джованни Ротондо – Падова. Фриштик, розпатранє манастира и святилїща св. Падре Пия и його гробу. Служба Божа и одход зоз готелу, драга до Падови, змесценє до хотелу, вечера и ноцнїк.
8. дзень (25.5) – Падова – Ердут. Фриштик, розпатранє гроба св. Антония Падованского, Базилика св. Юстини, Пяца Пято дела Вале, Гроб и церква св. Леополда Мандича, шлєбодни час, путованє през Италию, Словению и Горватску. Вечар приход до Ердуту.
До цени уходзи превоз зоз туристичним автобусом, ноцнїк у готелох, єдзенє спрам програми, такса пребуваня, фахове предводзенє паломнїцтва, уход автобусох до Риму друга зона, видатки орґанизациї путованя, осиґуранє и одвичательносц.
До цени нє уходзи розпатранє Турнї св. Петра – 10 евра, уход до Ватиканских музейох – 20 евра, доплацованє за хижу з єдну посцелю 150 евра.
Минималне число путнїкох – 40 особи. Кед же будзе число 30 путнїкох цена ше звекшує на 10 % же би ше паломнїцтво реализовало.