ЛИСАБОН – Папа Франциско бул у пейцдньовей нащиви Портуґалу з нагоди Шветового дня младих, а 6. авґуста предводзел закончуюцу Службу Божу у Лисабону, дзе участвовали милион и пол млади, цо пренєсли медиї у швеце.
У казанї папа ше опитал же цо паломнїки вежню зоз собу зоз стретнуца назад до своїх домох. Святи отец одвитовал зоз трома ключнима поняцами: швициц, слухац и нє бац ше.
Папа ше стретнул и зоз 25 тисячи волонтерами Шветового дня младих же би им подзековал на велькодушносци. Волонтере приходза зоз цалого швета и представяю вецей як 150 жеми.