РУСКИ КЕРЕСТУР – Прешлого тижня, пияток, 20. марца старша обданїщова ґрупа Печарки зоз Дзецинскей заградки Цицибан нащивела Дом култури дзе их дочекал Сашо Палєнкаш котри им представел рижни инструменти.
Печарки у оводи зоз своїма воспитачками Даниєлу Сопка и Оленку Русковски робя на проєкту под назву Музични инструменти, цо и була причина же би праве у тей установи дознали дацо вецей о тей обласци котру виглєдую.
Дзеци на тот завод видзели дуйни, акустични, удерни, и електрични инструменти. Оводарци видзели пищалку, фуяру, черкотки, бруґу, бас ґитару, електричну ґитару, електрични клавир и буґни.
Домашнї Сашо Палєнкаш на каждим инструменту и заграл, же би дзеци и чули як тоти инструменти звуча и же би видзели на яки способ правя звук.
