РУСКИ КЕРЕСТУР – У манастирскей каплїци шестрох Служебнїцох котра пошвецена Лурдескей Мариї при Старим манастире, вирни модля дзевятнїцу на чесц Пречистей Дїви Мариї Лурдескей, од нєдзелї, 2. фебруара.
Дзевятнїца ше модлї пред вечаршу Службу Божу на 16:15 гoдзин и у тижню и дзевятнїца и вечарши служби буду у Старим манстире. Внєдзелю 9. фебруара и дзевятнїца и вечарша служба буду у церкви, а после того знова у Старим манастире.
На швето Лурдескей Богородици, 11. фебруара служби ше будзе служиц лєм у Манастире и то на 10:15 и на 17 годзин. У церкви тот дзень нє буду служби.
Од пондзелку на прохиї мож уписац грамоти за покойних.