НОВИ САД – Почали проби за тогорочни Фестивал рускей шпиванки „Ружова заградка 2025” котри будзе отримани 16. марца у Сербским народним театре у Новим Садзе.
На конкурс за нови руски шпиванки Явней медийскей установи „Радио-телевизиї Войводини” сцигли роботи 23-ох авторох, а за Фестивал вибрани 16 композициї.
Медзи вибранима авторами шпиванкох єст и нових, як и тих котри поряднє участвую на Фестивалє, а композициї буду интерпретовац шпиваче зoз уж познатей младшей ґенерациї, дзе тиж будзе и ошвиженя.
Ревиялна часц будзе пошвецена Йовґенови Надьови котри того року означує 50 роки своєй кариєри.
Обидва оркестери, и народни и тамбурови уж почали з пробами, а студийне знїманє почнє концом фебруара.
