ЖАБЕЛЬ – Ветеринарска амбуланта ,,Пет медика” у Жаблю започала акцию безплатного тестираня на шерцового хробака (Dirofilaria immitis ) за пси зоз териториї општини хтори маю вецей як два роки.
Тото тестиранє барз важне поробиц скорей як почнє сезона суньоґох, прето же праве вони преноша шерцового хробака зоз зараженей на здраву животиню.
Дохторка ветеринскей медицини Тамара Басарин обяшнєла же шерцов хробак озбильни здравствени проблем, хтори ше остатнїх рокох барз часто зявює при псох.