РУСКИ КЕРЕСТУР – У просторийох парохиї св. отца Миколая вчера, 5. септембра зишли ше директор НВУ „Руске словоˮ Борис Варґа, одвичательни редактор Руского християнского календару Микола Шанта и редактор Микола М. Цап, парох керестурски и одвичательни редактор часопису „Дзвонохˮ o. Владислав Варґа, капелан Владимир Медєши и парох индїйски и помоцни каплеан о. Михайло Шанта, та Оленка Живкович.
Отец Владислав Варґа на початку привитал присутних, надпоминаюци же 2024. року тот наш алманах означує ювилей, двацец роки од кеди НВУ „Руске словоˮ и редакция „Дзвонохˮ заєднїцки почали зоз тим проєктом.
Директор НВУ „Руске словоˮ Борис Варґа визначел же зоз свойого боку може дац ґаранциї же як и по тераз Календар будзе виходзиц так же би у нїм нє були потупени канони Церкви.
З тей нагодзи начално догварени заєднїцки теми, а зоз авторами ше будзе накнадно контактовац.
Як и прешлих рокох, Календар би мал буц видруковани по конєц новембра.