РУСКИ КЕРЕСТУР – Богоявлениє Господнє зоз пошвецаньом води вирни парохиї св. отца Миколая преславели 6. януара.
Службу Божу служели шицки штирме керестурски священїки, предводзел парох керестурски о. Владислав Варґа, а сослужовали о. Владимир Медєши, о. Михайло Шанта и о. Ярослав Варґа. Вони после Служби у чину пошвецаня зоз прекраснима молитвами пошвецели воду.
Як визначел у казанї о. Владислав Варґа у тих молитвох ше модлї же би вирни котри буду хасновац тоту воду мали окремни духовни хасен.
Вода ше будзе хасновац и при пошвецаню обисцох котре почина праве нєшка, пондзелок 8. януара по Вельким шоре, то єст главней улїчки Маршала Тита з обидвох концох валалу.
