РУСКИ КЕРЕСТУР – Пошвецанє обисцох у керестурскей парохиї ше предлужує и того тижня. По розпорядку, пондзелок, у улїчки Бориса Кидрича, у будинку Спортскей гали пошвецени и просториї Месней заєднїци и просториї Рускей матки.
Просториї пошвецел о. Владимир Медєши, а присуствовал секретар Месней заєднїци Михайло Пашо и предсидатель Рускей матки проф. др Михайло Фейса и секретар Дюра Папуґа, як и други членїци и члени керестурскей подружнїци Рускей матки.
Як проф. др Фейса визначел становиско Рускей матки же школа и церква вше були вєдно. Члени Рускей матки Руснаци грекокатолїки котри знаю же образованє и вира основа нашого руского єства. Гоч ше, як гварел, зоз тим дахто и нє зложи, значне о тим освидомиц шицких Руснацох, же би ше нє случело же би нас на шлїдуюцим попису було менєй як на прешлим.
