БЕОҐРАД – Министeрство польопривреди, лєсарства и и водопривреди поволує ґаздовства же би дополнєли податки о животиньох пре витворйованє права на субвенциї.
У сообщеню зоз министерства ше гвари же у складзе зоз Законом о ветеринарстве, шицки ґаздовства хтори тримаю животинї, дочасово лєбо тирвацо, муша буц реґистровани у Централней бази податкох Управи за ветерину.
При реґистрациї, кажде ґаздовство достава свойо єдинствене идентификацийне число, хторе ма дванац цифри – HID число. Под єдним HID числом водза ше податки о шицких означених животиньох на ґаздовству.
Кед ше животинї находза на вецей местох ґаздовство може мац вецей HID числа. Основна причина за реґистрацию ґаздовства то провадзенє рушаня животиньох, зоперанє ширеня оберацих хоротох, як и реґулованє промету и продукциї меса и млєка.
У процесу уводзеня еАґрару важне наглашиц же ше при витворйованю права на субвенциї будзе припознавац стан яки ше водзи у урядовей бази податкох Управи за ветерину, кед слово о животиньох, прето треба же би власнїки преверели и обновели податки у сотруднїцтве зоз ветеринарскима станїцами на своєй териториї.
Окрем HID числа треба назначиц и число польпривредного ґаздовства, и мац означени и у Централней бази евидентовани животинї на основи хторих ша жада витвориц право на субвенциї.