РУСКИ КЕРЕСТУР – Предлужени роботи на Марийовим доме – Духовним центру Емаус и до конца мешаца би требал буц вибудовани перши поверх, по плочу.
Роботи котри през жиму мировали, такой з яри предлужени. По словох керестурского пароха о. Владислава Варґу средства, котри назберани зоз добродзечних прилогох вирних и донацийох, уплацени же би ше могло предлужиц з роботу на мурованю ношацих слупох и мурох.
Тутор Водици Янко Няради потвердзел же за тераз виляти слупи, армиране шицко потребне, а ище ше вилєє два слупи котри ноша вельку греду у наукашньосци будинку и кед нє будзе дижджу буду вимуровани мури будинку. Потим будзе требац виляц плочу и ґарадичи.
За шицко тото уплацени средства у вредносци од 4.105.000 динари. Няради визначел же кельо єст пенєжи тельо будзе поробене.
Сами керестурци нє годни винєсц цали тот проєкт и за тото им потребна помоц цалєй заєднїци, средства з конкурсох и рижних проєктох, як и помоц донаторох.