РУСКИ КЕРЕСТУР – Вчера, у Руским Керестуре, отримане фодбалске стретнуце за пополньованє Войводянскей лиґи – ґрупа Сивер, у хторим домашнї Русин прецерпел пораженє од Фодбалского клубу „Дюрдїнˮ зоз 2:1, з истим резултатом як и у першим бараж стретнуцу одбавеним внєдзелю.
Єдини ґол, у 90. минути, дал Янко Кулич на атрактивни способ, такволани „ножнїчкиˮ и то було шицко цо ше дотика ґолох за домашнїх.
Треба спомнуц и горню греду хтору потрафел Саянкович при резултату од 0:0, алє лабда нажаль нє закончела у госцуюцей мрежи.
И попри пораженя, саме участвованє у баражу єден зоз найвисших резултатох у 100-рочней Русиновей историї, а стретнуце провадзело коло 600 любительох фодбалу.
Русин наступел у составе – Деян Кронич, Стефан Тома (Деян Будински), Боян Голик, Александар Кочиш, Деян Павлович, Филип Вуйович, Деян Чернок, Янко Кулич, Оґнєн Маркович, Матей Саянкович, Боян Бранкович и Никола Циврич (Александар Тома).
