РУСКИ КЕРЕСТУР – Пондзелок ше у Риме, у базилики Санта Мария Маджоре и шицких церквох котри зоз ню обєднани, а медзи нїма и Водица при Руским Керестуре, означена Шнїгова Мария. Вовторок у Водици означене и швето Преображеня Господнього, кед ше по традициї пошвеца овоц.
Наша Церква, як мала шестра базилики Санта Мария Маджоре означела швето Шнїговей Мариї у церкви и Водици. З тей нагоди до Водици пешо у процесиї пришли млади паломнїки зоз Швайцарскей, Нємецкей и Австриї зоз священїком о. Андреасом Яйндлом зоз семинариї котра припада заєднїци Традиционалного християнства римокатолїцкей Церкви.
Вовоторок вирни и того року у красним чишлє означели швето Преображеня Господнього. Уж традицийно члени Церковного одбору порихтали овоц за шицких вирних котри пришли до Водици.
