ШИД – Одборнїки Скупштини општини (СО) Шид на схадзки хтора отримана вчера, 30. децембра вигласали вецей значни одлуки, насампредз о дїлованю у 2025. року.
Прилапени Програми дїлованя Заводу за урбанизем, ЯКП „Стандард“ и „Водовод“ як и програми дїлованя зоз финансийнима планами шицких 19 Месних заєднїцох на подручу општини, а за активносци МЗ у буджету опредзелєни вкупно 60.189.000 динари.
Од Нового року зoз одлуку одборнїкох, виношенє шмеца на подручу општини подрагша за 10 одсто, а подмирйованє з воду и услуги канализациї буду драгши 8 одсто по кубним метеру.
Вигласани и Кадрови план Општинскей управи, Општинского правобранителя и фахових службох и менована нова Општинска виберанкова комисия на чиїм чолє Бранислав Нонкович, а його заменїк Милан Филипович.
Тиж прилапени и програми роботи за 2025. рок установох хторим снователь локална самоуправа и одредзени финансийни плани за роботу предсидателя општини, Скупштини општини, Општинскей ради, Општинскей управи и Општинского правобранительства.
