БЕОҐРАД – Форум за одвичательнe дїлованє и Смарт колектив з потримовку Америцкей аґенциї за медзинародни розвой (УСАИД) по други раз вчера, 12. децембра додзелєли Награди за найинклузивнєйших роботодавцом, а достали их за 2024. рок компаниї Ґенерали осиґуранє и Ерсте банка як и подприємства ИНАК и Успон.
За окремне доприношенє у занятосци особох зоз инвалидитетом у катеґориї вельких компанийох награда додзелєна Ґенерали осиґураню, а у катеґориї малих и штреднїх подприємствох награда припадла подприємству ИНАК д.о.о.
Награда „найинклузивнєйши роботодавец“ витворена у рамикох проєкта „Робота по мери: економске змоцньованє особох з инвалидитетом“ хтори финансує УСАИД, а запровадзує ю Форум младих з инвалидитетом, партнере на проєкту Каритас Сербиї, Фондация Ана и Владе Дивац, Смарт колектив и Центер за самостойни живот особох зоз инвалидитетом Сербиї. Потримала и платформа „Отримуюци розвой за шицких“ хтору финансую Влади Швайцарскей и Нємецкей, а запровадзує Нємецка орґанизация за медзинародне сотруднїцтво ҐИЗ.
