Проза Ивана Медєша у словацким зборнїку „Масни муж”

автор Б. Варґа
309 Опатрене

БРАТИСЛАВА – Словацке видавательство Кали Кертез Баґала видало зборнїк „Масни муж” (Mastný muž), у котрим обявени приповедки 11 словацких авторох ґенерациї нового литературного писма, медзи котрима и Иван Медєши.

Редаторка зборнїка словацка писателька Ивана Ґибова, а ушорени є анонимно, так же обявени лєм змист и список авторох и читач нє зна котра чия приповедка.

Медзи авторами вецей лауреатох престижней словацкей литературней награди Anasoft litera, як Вадас, Бала и Штефаник. Награду Anasoft litera 2019. року Иван Медєши достал за кнїжку „Єдзенє” (Jedenie).

Кнїжка „Масни муж” була представена на Life литературним фестивалу 21. септембра у Кошицох и 22. септембра на промоциї у Рожняви, на котрих пристуствовал и Медєши.

Детальнєйше о кнїжки на сайту видавательства: https://www.kkbagala.sk/knihy/mastnymuz.

фото Б. Роман

ПОВЯЗАНИ ТЕКСТИ