НОВИ САД – Фестивал новей рускей шпиванки 33. „Ружова заградка” будзе отримани на нєдзелю, 5. марца у Сербским народним театре (СНТ) у Новим Садзе.
На Фестивалє буду виведзени 15 нови композициї, а почнє точно на 20 годзин.
У ревиялней часци популарни фестивалски шпиванки одшпиваю шпиваче, учашнїки на прешлих фестивалох.
Цали Фестивал годно директно провадзиц на трецей програми радия на 92, 100 и 107,1 меґагерци, тиж и на другей програми Радио-телевизиї Войводини, як и прейґ интернету.