РУСКИ КЕРЕСТУР – Основна и штредня школа зоз Домом школярох „Петро Кузмяк” у Руским Керестуре формовала урядову Вибер заєднїцу наменєну школяром и їх родичом односно старательом, та и шицким другим хтори ше жадаю лєпше упознац зоз роботу Школи, а зоз цильом же би ше унапредзело комуникацию и благочасове информованє.
З помоцу тей заєднїци, родичи и школяре буду доставац важни обвисценя о школских активносцох, орґанизациї настави и других релевантних темох.
Даєдни з тих информацийох буду – информациї о образовних напрямох, важни сервисни информациї и обвисценя, висти о школских активносцох, проєктох и збуваньох, интересантни приповедки зоз живота школи, квизи, анкети, интересантни змисти и подобне.