НОВИ САД – У рамикох XXXIV Спортских бавискох (СБ) „Яша Баков”, внєдзелю, 30. марца у Новим Садзе отримани турнир у билияру.
Участвовали шейсц екипи: ФК „Искра” з Коцура, „Папивинґ” ДОО з Вербасу, СД „Русин” з Руского Керестура, КУД „Тарас Шевченко” з Дюрдьова и два екипи домашнєй екипи з Нового Саду – РКЦ I и РКЦ II.
За Искру бавели Иван Буила и Златко Колєсар, за екипу Папивинґ – Звонко Салаґ и Иван Папуґа, у Русиновей екипи були Янко Хома и Маркус Грубеня, док за дюрдьовски тим бавели Микола Кухар и Мирослав Саламун.
У домашнєй екипи з Нового Саду РКЦ I були – Мирослав Загорянски и Зденко Ґалич, док за РКЦ II бавели Велибор Васович и Владимир Иван. Бавело ше 5 кола, кажде з каждим.
После даскелїх годзинох виєдначеного змаганя перше место завжала екипа РКЦ II, друге место СД „Русин”, треци були РКЦ I, штварте место припадло ФК „Искра”, пияти бул „Папивинґ” ДОО, а шесте место зявжало КУД „Тарас Шавченко”.
Турнир отримани у просторийох Meridianbet Joker, на Спенсу, а друженє предлужене у просторийох РКЦ у Новим Садзе.
