БЕОҐРАД – На Першенству Сербиї зоз атлетики за младших пионирох у гали, хторе отримане внєдзелю 9. фебруара у Беоґрадскей атлетскей гали, участвовала и Валентина Надь зоз Руского Керестура хтора ше змагала за АК „Русин” освоєла друге место и стриберну медалю.
Валентина Надь ше змагала у дисциплини скок до висока, дзе було приявене вельке число змагательох, медзитим квота була 16 змагательки цо мали найлєпши резултат витворени прешлого року.
Валентина мала штварти резултат у держави и у моцней конкуренциї на Першенству Сербиї у Беоґраду освоєла 2. место и стриберну медалю, а тиж и полєпшала особни рекорд у скоку до висока за 8 цм, кед прескочела 1,50 м.
У септембру Валентина Надь будзе участвовац на Державним першенству на отвореним и наздаваме ше же принєше златну медалю за АК „Русин”.
