БЕОҐРАД – Од вчера од 10 годзин тирвала 24-годзинова блокада Автокоманди цо єден з ключних транспортних ґузлох у Беоґрадзе, на 11:52 годзин отримана и 15-минутова цихосц за настрадалих у траґедиї у Новим Садзе. Наявене же блокада будзе тирвац нєшка до 10 годзин.
Потримовку, студенти мали од велїх гражданох, польопривреднїкох, моторкашох. Студенти пририхтали рижни перформанси, бавели дружтвени бависка, рихтали єдла, и гласно здогадовали же їх вимоги нє сполнєти.
Студенти предлужую блокади факултетох и твердза же штири вимоги хтори визначени на початку протестох нє сполнєни у подполносци. Як скорей наявене, блокада Автокоманди будзе тирвац 24 годзини.
Полиция унапрямовала транспорт на други драгово напрями.