РУСКИ КЕРЕСТУР – Столнотениски клуб „Русин” внєдзелю, 5. октобра, у Руским Керестуре одбавел треце коло Южнобачкей лиґи процив екипи СТК „Оджак” зоз Оджаку и зазначел трецу побиду зашором у першенству, та вкупни резултат бул 4:0.
За екипу СТК „Русин” на тим першенственим стретнуцу бавели: Михайло Сабадош, Матей Сабадош и Марян Ковачевич.
1. Матей Сабадош – Драґан Стиїлкович – 3:0.
2. Михайло Сабадош – Илия Милешевич – 3:1.
3. Марян Ковачевич – Душко Трандафилович – 3:1.
4. Сабадош/Сабадош – Стоїлкович/Милешевич – 3:0.
У шлїдуюцим, штвартим колу Южнобачкей лиґи СТК „Русин” будзе бавиц на нєдзелю, 26. октобра, у Новим Саду процив екипи СТК „Чурич 2”.