ШИД – Сход гражданох под назву „И Шид става – потримовка студентом“ отримани вчера, 7. фебруара.
Точно на 18 годзин учашнїки протесту блокирали главне розкрижє при будинку Општини на 15 минути, а потим рушели през главну Карадьордьову улїцу, ношаци транспаренти, дули до пищалкох и вувузелох.
Пред будинком Ґимназиї „Сава Шуманович“ єдна школярка поручела присутним же то потримовка студентом як и правней держави, алє и вимогом же би институциї робели свою роботу спрам закона.
И з тей нагоди отримана минута цихосци за 15 жертви на гайзибанскей станїци у Новим Сазде, а сход закончени з порученьом же шлїдуюци будзе на соботу 15. фебруара, кеди би мал бешедовац, я к гварене, єден познати драмски уметнїк.
Полиция обезпечовала сход и нє було инциденти, а потим ше учашнїки розишли.